Deprecated: preg_replace(): The /e modifier is deprecated, use preg_replace_callback instead in /home/www/virtual/muslimchiangmai.net/htdocs/Sources/Load.php(251) : runtime-created function on line 3

Deprecated: preg_replace(): The /e modifier is deprecated, use preg_replace_callback instead in /home/www/virtual/muslimchiangmai.net/htdocs/Sources/Load.php(251) : runtime-created function on line 3
พิมพ์หน้านี้ - อ่านค่าว ความงดงามของคนล้านนา

มุสลิมเชียงใหม่ดอทเน็ต

ฮู้จักฮากเหง้า ฮู้ตั๋วตน เล่ากำเก่า ที่แอ๋ว คนล้านนา => ค่าวฮำ คำเมือง วิถี ประเพณี ของคนล้านนา => ข้อความที่เริ่มโดย: อับดุลการีม ที่ เมษายน 09, 2010, 11:00:18 pm


มุสลิมเชียงใหม่ดอทเน็ต

     กระดานเสวนาเพื่อการศึกษา แลกเปลี่ยน เรียนรู้  เพื่อความเข้าใจอันดีระหว่างกัน ใช้เพื่อสำหรับการเก็บรวบรวมความรู้เกี่ยวกับศาสนาอิสลามวิถีชีวิตเรื่องราวที่น่าสนใจ ศิลปวัฒนธรรมของคนล้านนาและคนมุสลิมที่อาศัยอยู่ในถิ่นล้านนาที่น่าสนในจากเว็บอื่นๆหรือจากสมาชิกที่เขียนขึ้นหรือแสดงความคิดเห็นจัดแบ่งเป็นหมวดหมู่เพื่อการค้นหาข้อมูลได้ง่ายขี้นสำหรับผู้ที่สนใจในการสืบค้นข้อมูลไปใช้ประโยชน์ ในการศึกษาและเรียนรู้ ไม่สงวนลิขสิทธิ์ หากนำไปเผยแพร่เพื่อส่งเสริมในการกระทำอันเป็นประโยชน์ต่อสาธารณชน 

อ่านกระทู้ด้านศาสนาหรือกระทู้ใด ๆโปรดใช้วิจารณญาณในการอ่าน หรือสอบถามผู้รู้อีกครั้งหนึ่งก่อนนำไปปฎิบัติหรืออ้างอิงใดๆ  

สนับสนุน เพื่อไม่่ให้ เว็บมุสลิมเชียงใหม่ หายไปจากระบบ 

โดยบริจาค เพื่อสนับสนุนเว็บ
ชื่อบัญชี  นายชุมพล  ศรีสมบัติ  ธนาคารกรุงไทย  สาขาสันป่าข่อย เชียงใหม่  เลขที่บัญชี 502-0-13164-4

 


เริ่มนับ 23 July 2011 08.30 น.



หัวข้อ: อ่านค่าว ความงดงามของคนล้านนา
เริ่มหัวข้อโดย: อับดุลการีม ที่ เมษายน 09, 2010, 11:00:18 pm
ห้องศิลปินรอท่าอยู่ อ้ายจ้างซอรองาน คนหล่ำปางหนา หนึ่ง(คนเดิม) ฯลฯ ไปไหนเจ้า
 เก็บมาบางบทความ อยากอ่านอีกคลิกที่ลิงค์ด้านล่าง
 
 ที่มา
http://board.dserver.org/L/LannaBoard/00000311.html
 
 ข้อความ :
 สมกับกำกึ้ด นั่งนึกถวิล ห้องศิลปิน เปิดแล้วนอเจ้า ดีอกดีใจ๋ ใคร่ไหลตั๋วเข้า ไปเสเลเมา ซอจ๊อย เปิดแล้วอั้นบ๋อ จ้างซอปี้น้อย จะขอเรียงถ้อย หัวคิว เขาแซวจ้างซอ หายใจ๋ตางผิว กันบ่อเป๋นตระคิว วันค่ำก่อฮ่ำได้ ได้ยินข่าวสาร ดีใจ๋แต๊ใบ้ ตั้งนี้ต่อไป จะคึก เจิญเต๊อะหมู่เฮา จะเบากาว่าลึก เจิญเขียนคร่าวจ๊อย เข้ามา ตั๋วอ้ายนี้เเละ จักแนะไขจ๋า เขียนกั๋นเข้า ยาวกาว่าสั้น บ่อต้องกลั๋วผิด ติดหนี้ติดหั้น เขียนเหล้นตึงวัน
 ปี้น้อง เมื่อมีเสียงก๋อง ต้องมีเสียงก๊อง หลิ้งหลิ้งหล้องหล้อง ม่วนงัน เจิญเต๊อะเจิญเต๊อะ มาเขียนคร่าวกั๋น อ้ายจะรอฟัง ทุกท่านเนอเจ้า อ้ายจะถ้าฟัง หมู่เฮาเนอเจ้า (อันนี้เป๋นก๋ารแต่งคร่าวฮ่ำเน่อปี้น้องเหย ฉันทลักษณ์ง่ายหน้อยเดียว ลองก้อยก้อยอ่านของปี้อ้ายจ้างซอบนนี้ และก้อยสังเกตุฉันทลักษณ์ผ่อลอ ไปแยกฉันทลักษณ์แล้วลองหัดแต่งแบบง่าย ๆ ได้ คนนั้น"เก่ง"ขะหนาด เป๋นก่ำลังใจ๋หื้อเจ้าปี้นายน้องหมู่เฮาตังหลายเน่อ (เอ๊าะสูลองแต่งมาถ้องข้าผ่อลอ........)
 
 หอมเหยหอมดอกแก้ว สะบันงา
 จ๊อยซอจะปิ้กมา แถมครั้ง
 กั๊ดอกจ๋นน้ำต๋า จะไหลหลั่ง ลงเฮย
 ท่านเหยอย่าเรื้อรั้ง จ้วยกั๋น ไฮ่ฮอม
 ดมดอมใจ๋จื้นย้าว ยินดี
 ล้านนามีกวี เอกแก้ว
 พญาพรหมโวหารศรี- มิ่งแม้น เมืองเฮา
 เถิงเวลาปิ้กหวนแล้ว ลูกแก้ว จะสืบลาย
 (อันนี้เป๋นก๋ารแต่งกะโลง(โคลง)แบบล้านนาเน่อปี้น้องเหย(ซึ่งก็คือโคลงสี่สุภาพแบบล้านนานั่นเองครับ)
 
 
 จาก : จ้างซอรองาน - - k_surinsri@hotmail.com - 16/06/2002 23:00
 
                       
 
 ข้อความ :
 
 ขอยกมือสา อาวอาปี้น้อง จักมาขอถ้อง ญิงจาย
 กำกึ๊ดบ่อนัก ความฮู้บ่อหลาย เป็นบ่าวเจียงฮาย ความฮู้มีน้อย
 วันนี้ขอลอง มาเขียนค่าวสร้อย จะขอลองกอย กำเต๊อะ
 กอนเขียนผิดไป กำจายเลอะเทอะ ปี้หลายน้องเยอะ ข้าขอสูมา
 นายจาวหละกอน คนหลำปางหนา สลุงแก่นน้อยกา มากั๋นถ้วนหน้า
 อ้ายคนปักษ์ใต้ ปี้นายเนสซา ว่าอย่างไดจา ลองกั๋นสักน้อย
 ละอ่อนหู้กึ๊ด ระลึกสักน้อย ลองเข้ามากอย เต๊อะน้อง
 ตั๋วจอมยุทธน้อย สาวน้อยบัวตอง คงจะบ่าม๋อง ลองเหียสักน้อย
 คนเวียงนี่กา ฮ้องหาค่าวสร้อย หื้อเขียนตอบถ้อย ในกระดาน
 วันนี้บ่าต้า วันหน้าปะกั๋น เปิ้นฮ้องใจ้งาน ประชุมในห้อง ประชุมในห้อง เต้าอี้ก่อนและนายเฮย อิๆๆๆๆๆๆๆ
 
 จาก : คนเมืองที่เกือบก๋าย - 17/06/2002 15:44
                 
 ข้อความ : ค่าว "ลุงหนานขอร้อง"
 
 ปุ๊ดโธ ธัมมา อาวอาปี่น้อง ผ่อเต๊อะเครื่องหย้อง ของสาวสมัย
 สายเดี่ยวเตี่ยวฟิต หยังมาอิดใจ ซ้อนมอเตอร์ไซค์ หุมนั่งตางปิ้น
 ละขาละปุ๋ม หุมนุ่งเตี่ยวหิ้น ใส่เสื้อเอวลอย เขินต้อง
 ย่างต๋ามถนน คนผ่องเซาะซ้อง พร่องบึนปากหื้น ตวงตาง
 สะดืออี่น้อง เหมือนต้องหม้อขาง ฮ่องหลังอี่นาง เหมือนฮางหมูหน้อย
 เอาเลซใส่แขน เอาแหวนใส่ก้อย เอาสีมาตา แต่งเล็บ
 มือถือกระเป๋า ซาวด์เบ้าท์ฟังเทป เยียะเหมือวอกเต้น งัวอึน
 คนเถ้าหันแล้ว ไคร่หัวบ่ขืน พร่องต่าวตึงยืน เหมือนป๋ะผีบ้า
 หนุ่มสาวสมัย ใจ๋เขามากล้า บ่อายอาวอา ปี๋น้อง
 พร่องเจ๋าะจีหู หม่าด๊อกมาก๊อง พร่องเสริมแต่งหย้อง ฮูดัง
 จิ้นส้มหน่อไม้ น้ำปูผักปั๋ง ย้อนเสริมฮูดัง เลยกิ๋นบ่ได้
 ผมแดงตี๋หยี เหมือนผีไฟไหม้ เอาสีมาตา แต่งย้อม
 สเปรย์แดงขาว เขียวเทาพร่ำพร้อม ทรงผมป๊อบก้อม ยาวลอย
 พร่องเยียะผมปุ๊ เหมือนกับขี้ฝอย ที่ป่ออุ้ยมอย จั๋กตอกมัดกล้า
 เกือกตึดส้นสูง ย่างวำขว้ำหน้า ปุ๊ดโธ ธัมโม เหียเต๊อะ
 เอาสีแต้มเขียน กิ้วต๋าดีเจ๊อะ เก้าแขนและข้างสะดือ
 ทาปากเลอะเทอะ เหมือนกับผีสือ ผ่อเหมือนปืมปือ ดังควายแม่เถ้า
 แหวกแขนแหวกขา เสื้อผ้าน้องเหน้า เป็นตาดีอาย เจ่นล้ำ
 ขอวอนแก้ไข ไปเยียะแถมซ้ำ อั้นเหมือนก่างเถ้า ดอนโตน
 แต่งตั๋วอย่างนั้น มันเหมือนผีโขน เหมือนวอกดอยโตน ไผ่บ่อวดอ้าง
 แม่ยิงอิตถี บ่ถ้าดีหล้าง ใส่เสื้อบาง ๆ เตี่ยวฟิต
 แต่งแบบล้านนา สง่ามมิดชิด ปกปิดส่วนอั้น ควรอาย
 ฟังสารค่าวจ้อย สาวหน้อยตังหลาย หื้นฮู้จักอาย ปี๋น้องจาวบ้าน
 หื้นฮักตั๋ว ฮู้กลั๋วฮู้หย้าน เว้นตางบ่ดี เต๊อะน้อง
 ย้อนมันเหลือต๋า เลยมาขอร้อง เป็นสารค่าวสร้อย ซอใย
 หวังเป็นข้อคิด สะกิดเตือนใจ๋ สาวล้านนาไทย สดใสเปล่งปล้อย
 ฮักฮีตฮักฮอย เนอแม่สาวหน้อย อย่าหลงลืมลอย คว่างซัด
 วันพระวันศิล กิ๋นตานที่วัด จ๋ำศิลแปดห้า ฟังธรรม
 ลุงหนานของร้อง อย่าได้ถลำ หื้นจ๋ำเอากำ ลุงหนานเน้อเจ้า
 
 
 จาก : บ่าวเคิ้น เมืองน่าน - 12/02/2007 21:41
 


ให้ความเพ้อฝันได้เป็นความเพ้อฝันอยู่อย่างนั้น แม้สังคมในอุดมคติจะเกิดขึ้นมิได้ที่นี่ นั่นไม่ได้หมายความว่า จะต้องโอนอ่อนผ่อนตามกระแสธารแห่งกิเลส ที่ติดตามมาจากโลกแห่งความเป็นจริง และมุสลิมเชียงใหม่มิได้แสวงหาความเป็นเลิศ หรือยึดโยงอยู่กับสถิติผู้เยี่ยมชม

    และนี่คือขยะกองใหญ่ เชิญท่านทั้งหลายขุดคุ้ยค้นหา แยกเอาแต่สิ่งดีๆ หยิบฉวยติดมือออกไปใช้ประโยชน์ ต่อยอด เทียบเคียง ประยุกต์ใช้ 
ขอขอบคุณพี่น้องทุกท่าน ที่หยิบยื่นประสบการณ์ แนวคิดและมุมมองเหล่านี้ ไว้ให้เป็นวิทยาทาน และด้วยความทรงจำที่ดีต่อกั



(ด้วยแนวคิดที่คล้ายคลึงกันคัดลอกคำคมจากบ้านจอมยุทธ์ขอบคุณครับ)
เพื่อความยั่งยืนของ มุสลิมเชียงใหม่ดอทเน็ต

Check Page Rank of your Web site pages instantly:

This page rank checking tool is powered by Page Rank Checker service